Hərbi qulluqçulara psixoloji dəstək fəaliyyətləri davam etdirilir

Müdafiə naziri general-polkovnik Zakir Həsənovun tapşırığına əsasən, Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin zabit və dövlət qulluqçuları tərəfindən plana uyğun olaraq təlim hərbi hissələrində şəxsi heyətə psixoloji dəstək fəaliyyəti həyata keçirilib.

Bu barədə Press.az-a Müdafiə Nazirliyindən bildirilib.

Tədbirlər çərçivəsində hərbi xidmətə yeni çağrılan gənc əsgərlərin xidmət şəraitinə uyğunlaşması, psixoloji sağlamlıqlarının qorunması məqsədilə onlarla qrup və fərdi qaydada psixoloji yardım fəaliyyəti həyata keçirilib, ideoloji iş üzrə profilaktik söhbətlər aparılıb.

Həmçinin gənc nəslin milli-mənəvi dəyərlərə sadiqlik, dövlətçilik və vətənpərvərlik ruhunda tərbiyəsi istiqamətində maarifləndirici söhbətlər aparılıb.

Bundan əlavə gənc əsgərlərin təlim və tərbiyəsi prosesində iştirak edən zabit və psixoloqlara psixoloji işə aid olan üsul və vasitələrin düzgün tətbiqi, peşəkar vərdişlərin inkişaf etdirilməsi məqsədilə metodiki tövsiyələr verilib.

Sonda şəxsi heyəti maraqlandıran suallar cavablandırılıb.