Noyabrın 10-da Bəstəkarlar İttifaqında Zəfər Bayramına həsr olunmuş Plenum çərçivəsində baş tutan Kamera-instrumental konsertində bir qisim gənc bəstəkarın kamera əsəri səsləndirilib.
Yaradıcı gənclər üçün önəmli olan bu tədbirdə Bakı Musiqi Akademiyasının Magistrantı, gənc bəstəkar Aydan Əliyevanın yazdığı Violonçel və fortepiano üçün olan 3 hissəli sonatasından I hissə səslənib. Violonçeldə əməkdar artist Aleksey Miltix, Fortepianoda müşayiət isə əməkdar artist Nargiz Aliyeva ifa edib.
Əsər həm dinləyicilər tərəfindən, həm də Bəstəkarlar İttifaqının sədri Firəngiz Əlizadə tərəfindən rəğbətlə qarşılanıb.