Azərbaycanın medal sıralamasındakı mövqeyi – Tokio-2020

Tokio-2020 Yay Olimpiya Oyunları davam edir.

Press.az xəbər verir ki, bu gün daha 17 medal dəsti uğrunda mübarizə gedib. Qeydə alınan nəticələrdən sonra mükafatçıların sayı 242-yə çatıb. Bu gün Azərbaycanın heç bir təmsilçisi mübarizə aparmadığından ölkəmiz medal şansı qazanmayıb.

Çin medal sıralanmasında (32 qızıl, 22 gümüş, 16 bürünc) liderliyini qoruyur. ABŞ (25 qızıl, 31 gümüş, 23 bürünc) ikinci, Yaponiya (21 qızıl, 7 gümüş, 12 bürünc) üçüncü sırada qərarlaşıb.

Aktivində üç bürünc medal olan Azərbaycan millisi Misir və Meksika ilə birlikdə 76-cı yeri bölüşür.

Qeyd edək ki, ümumilikdə 85 ölkənin idmançıları medal qazanıb. Onlardan 60-ı çempionluq əldə edib.