“Qarabağ” avrokuboklarda növbəti oyununu keçirib.
Press.az xəbər verir verir, Ağdam klubu UEFA Konfrans Liqasında mərhələ adlayan ilk Azərbaycan klubu kimi tarixə düşüb.
II təsnifat mərhələsindən mübarizəyə başlayan Qurban Qurbanovun yetirmələri “Aşdod” səddini adlayıb. Evdə qolsuz heç-heçə edən Premyer Liqanın vitse-çempionu İsraildəki qələbə ilə tur adlayıb.
“Qarabağ” bu qələbəni erkən qol sayəsində qazanıb. Filip Ozobiçin 6-cı dəqiqədəki qolu komandaya mərhələ adlamaq imkanı verib.
Qeyd edək ki, “Qarabağ”ın III təsnifat mərhələsindəki rəqibi AEL (Kipr) – “Vlajniya” (Albaniya) oyununda müəyyənləşəcək.
UEFA Konfrans Liqası
II təsnifat mərhələsi, cavab oyunu
29 iyul
21:00. “Aşdod” (İsrail) - “Qarabağ” (Azərbaycan) - 0:1
Qol: Filip Ozobiç, 6
Baş hakim: Novak Simoviç (Serbiya)
Aşdod. “Jabotinski” stadionu
İlk oyun – 0:0