Fransa və Argentina da mübarizəni dayandırdı - Tokio-2020

Futbol üzrə Fransa və Argentinanın U-23 milliləri də Tokioda keçirilən Yay Olimpiya Oyunlarında mübarizəni erkən başa vurub.

Press.az xəbər verir ki, Fransa A qrupunun 3-cü turunda Yaponiyaya 0:4, Argentina isə C qrupunda İspaniya ilə heç-heçə edib - 1:1. Fransa və Argentina qruplarını 3-cü pillədə başa vurub və pley-off-a yüksələ bilməyiblər.

Qeyd edək ki, A qrupundan Yaponiya və Meksika,  C qrupundan isə İspaniya və Misir növbəti mərhələyə adlarını yazdırıblar.

28 iyul

Fransa U-23 - Yaponiya U-23 - 0:4

Qollar: Kubo, 27, Sakai, 34, Miesi, 70, Maeda, 90+1

İspaniya U-23 - Argentina U-23 - 1:1

Qollar: Merino, 66 (1:0), Belmonte, 87 (1:1)