Azərbaycanın badmintonçusu Edi Reski Dviçayo Tokio-2020 Yay Olimpiya Oyunlarında növbəti oyununu keçirib.
Press.az xəbər verir ki, milliləşdirilən legioner L qrupunun 3-cü turunda danimarkalı Anders Antonsenlə qarşılaşıb.
Rəqibinə 0:2 hesabı (16:21, 15:21) ilə uduzan Dviçayo qrupda qalaraq olimpiada ilə vidalaşıb. Bununla da Tokio-2020-də mübarizəni dayandıran Azərbaycan təmsilçilərinin sayı 19-a çatıb.
Qeyd edək ki, Dviçayo Olimpiya Oyunları tarixində badminton yarışlarındakı ilk Azərbaycan təmsilçisidir.