Koronavirus digər xəstəlikləri “unutdurub”

Dünyanın başı koronovirusla mübarizəyə qarışıb, təhlükəli olan digər xəstəliklər haqqında unudub.

Press.az medicina.az-a istinadən bildirir ki, bu məlumat Ümumdünya Səhiyyə Təşkilatının hesabatında yer alıb.
Məlumata görə, son bir il ərzində uşaqların qızılca, göy öskürək və digər xəstəliklərə qarşı vaksinasiya tempi azalıb.

Belə ki, keçən il ərzində əsas xəstəliklərə qarşı 23 milyon uşaq immunizasiyadan keçməyib. 17 milyon uşaq isə indiyə qədər heç bir vaksin qəbul etməyib. Qızılcaya qarşı peyvənd olunmayanların sayı 3 milyon nəfər artaraq, 22,3 milyon nəfərə yüksəlib.