Acun Mesut Özilin transferinə köməyindən danışdı

"TV8" və "Exxen"in sahibi Acun İlicalı Mesut Özilin "Fənərbaxça"ya transferi barədə danışıb.

Press.az "Hüriyyet"ə istinadən xəbər verir ki, Acun Mesutla dostluğundan istifadə edərək onu İstanbul təmsilçisinə keçməyə inandırdığını bildirib:

"Fənərbaxça" azarkeşlərinin bir xəyalı var idi. O da Mesutun "Fənərbaxça"ya gəlməyi idi. Klub prezidenti bu trasfer üçün çox çalışdı. Mən də Mesutla aramızdakı dostluqdan istifadə etdim. Bu, inandırıcı oldu və işə yaradı.

Mesut uşaqlığından bəri "Fənərbaxça" azarkeşidir. Ona çox ciddi transfer təklifləri gəlsə də, Mesut Türkiyəni seçdi. Başqa komandaların azarkeşlərinin bu hadisəyə reaksiya verəcəyini düşünmürəm. Mənim "Fənərbaxça"ya dəstəyim digər komandalara da örnək olmalıdır".