Azərbaycan bu ölkəyə 40 min doza vaksin göndərdi

Bu gün “Azərbaycan Hava Yolları”nın (AZAL) təyyarəsi ilə Bosniya və Herseqovinanın paytaxtı Sarayevo şəhərinə koronavirusa qarşı 40 min peyvənd çatdırılıb.

Press.az xəbər verir ki, bu barədə AZAL məlumat yayıb.

Xatırladaq ki, Prezident İlham Əliyevin tapşırığına əsasən, koronavirus infeksiyasının yayılmasına qarşı mübarizə üçün humanitar yardım olaraq, Tacikistana da 40 min “AstraZeneca” vaksininin dozası çatdırılacaq.