Türkiyədə son sutkada COVİD-19-dan 38 nəfər dünyasını dəyişib

Türkiyədə son 24 saat ərzində yeni növ koronavirusdan (COVİD-19) daha 38 nəfər dünyasını dəyişib.

Press.az "Anadolu" agentliyinə istinadən xəbər verir ki, bu barədə Türkiyənin Səhiyyə Nazirliyi məlumat yayıb.

Bildirilir ki, ölkədə koronavirus infeksiyası ilə əlaqədar 234 min 161 nəfər test edilib, 7 min 666 yeni yoluxma halı qeydə alınıb.

Qeyd edilib ki, ötən gün koronavirusdan 5 min 490 nəfər sağalıb.