logo
First slide

Kürdəmirdə evdən oğurluq edən şəxslər saxlanıldı

13 Jul 2021 rating_stars rating_stars rating_stars rating_stars rating_stars

Kürdəmirdə fərdi yaşayış evindən oğurluq edən iki şəxs saxlanılıb.

Bu barədə Daxili İşlər Nazirliyi məlumat yayıb.

Nazirliyin mətbuat xidmətinin Şirvan regional qrupundan verilən məlumata görə, iyul ayının dördündə Kürdəmir Rayon Polis Şöbəsinə rayon ərazisində yerləşən fərdi yaşayış evlərinin birindən 3 800 manat, 700 ABŞ dolları, altı ədəd xalça, üç ədəd televizor və digər məişət əşyalarının oğurlanması barədə müraciət daxil olub.

Daxil olmuş müraciət əsasında polis əməkdaşları tərəfindən keçirilmiş əməliyyat-axtarış və istintaq tədbirləri ilə cinayət əməlini törətməkdə şübhəli bilinən rayon sakinləri Şahin Şıxaliyev və Raqif Qədirov saxlanılıb.

Dindirilmə zamanı hər iki şəxs törətdikləri oğurluq hadisəsini etiraf edib.

Faktla bağlı Kürdəmir Rayon Polis Şöbəsinin İstintaq Bölməsində cinayət işi başlanılıb, istintaq-əməliyyat tədbirləri davam etdirilir.

Oxşar xəbərlər
OTACI
OTACI