logo
First slide

Həkim: “Qazinin 24 santimetrlik sümük defekti bərpa olundu”

13 Jul 2021 rating_stars rating_stars rating_stars rating_stars rating_stars

Elmi-Tədqiqat Travmatologiya və Ortopediya İnstitutunun ortopedləri Vətən müharibəsi qazisinin baldırında yaranmış 24 sm-lik sümük defektini bərpa ediblər.

Press.Az xəbər verir ki, bu barədə Səhiyyə Nazirliyinin baş travmatoloqu İlqar Qasımov məlumat verib.

O bildirib ki, bütün dünyada odlu silah yaralanmasından sonrakı geniş sümük defekti rekonstruktiv ortopediyanın aktual problemidir:

“Adətən yumşaq toxuma defektləri (dəri, əzələ, vətər) və tez-tez rast gəlinən periferik sinir-damar sistemi yaralanmalarının müalicəsi multidissiplinar yanaşma tələb edir. Müharibə qazisində alt çənəsinin, bud və baldır sümüklərinin odlu silah yaralanmaları olub.

Birinci mərhələdə plastik və damar cərrahları ilə birgə çənə sümüyünün tamlığı, ətrafların yumşaq toxuma və dəri defektləri bərpa olundu. İnstitutda yaradılmış ortopedlər qrupu tərəfindən texniki cəhətdən mürəkkəb olan İlizarov üsulu ilə bilokal cərrahi əməliyyat icra olunub. Bu osteosintez üsulu böyük təcrübə və hər iki tərəfdən, yəni həkim və xəstə tərəfdən səbr tələb edir, hansı ki, gündə 1 millimetrə qədər bərpa prosesi gedir”.

İ.Qasımov onu da əlavə edib ki, hazırda xəstə özü sərbəst hərəkət edir və tezliklə normal həyata davam edəcək.

Oxşar xəbərlər
OTACI
OTACI