Press.az xəbər saytı 07.06.2023-cü il tarixindən müvəqqəti olaraq fəaliyyətini dayandırmışdır.
First slide

İdxal olunan malın 3-cü şəxsə qanunsuz təhvil verilməsinin qarşısı alınıb

12 Jul 2021 rating_stars rating_stars rating_stars rating_stars rating_stars

Son dövrlər “kölgə iqtisadiyyatı”nın azaldılması və biznes subyektlərinin fəaliyyətinin şəffaflaşdırılması istiqamətində həyata keçirilən tədbirlər nəticəsində sahibkarlıq subyektlərinin iqtisadi dövriyyələrinin artması istiqamətində müsbət nəticələr müşahidə olunur.

Press.az xəbər verir ki, bu barədə İqtisadiyyat Nazirliyi yanında Dövlət Vergi Xidmətinin açıqlamasında bildirilir.

Məlumatda həmçinin deyilir ki, bu sahədə aparılan mühüm tədbirlərdən biri də vergi və gömrük orqanlarının 3-cü şəxslər üçün mallar idxal edən vergi ödəyicilərini müəyyən etməsi və qanunvericilikdə nəzərdə tutulan formada mal sahiblərinə təqdim etməsi istiqamətində birgə nəzarət tədbirləridir.

İyul ayında aparılan belə nəzərət tədbirlərindən biri zamanı "SEYF ELAKE" MMC-nin 3-cü şəxslər üçün malların idxalını həyata keçirdiyi və Dövlət Gömrük Komitəsinin təsdiq etdiyi 9 dekabr 2019-cu il tarixli 1000/05/001 nömrəli Qaydaların 3.1.2-ci bəndinə əsasən vergi ödəyicisinin vergi orqanında qeydiyyatda olan anbarının sahəsi və mövcud şəraiti idxal edilən malların həcmi və növü ilə uyğunluq təşkil etməməsi səbəbindən risklərin olduğu müəyyən edilib. Belə ki, vergi ödəyicisinin anbar olaraq qeydiyyata qoyduğu təsərrüfat subyektinin çoxmərtəbəli yaşayış binasında mənzil olması, idxal edilən malların həmin ünvanda saxlanılmasının mümkün olmadığını göstərir.

Birgə nəzarət tədbirlərinin davam etməsinə baxmayaraq, həmin müəssisəyə aidiyyəti (rəhbər və ya etibarnamə üzrə nümayəndə) olmayan vətəndaş Məmmədov Rəşid Mustafaqulu oğlu malları gömrük ərazisindən çıxarmağa cəhd edib. Bu zaman R.Məmmədov vergi orqanı əməkdaşlarının ünvanına nalayiq və təhqiramiz ifadələr işlədib, Dövlət Vergi Xidmətinin Dövlət Gömrük Komitəsinə ezam olunmuş texniki işçisi Məmmədov Şahir Nadir oğlu ilə mübahisə edib. Həmin proses zamanı əsassız videoçəkiliş edən R.Məmmədov özünün qanunsuz hərəkətləri olan hissələrini gizli saxlamaqla videonun yalnız sonluğunu sosial şəbəkələrdə yayımlayıb.

"SEYF ELAKE"in rəhbəri İsmayilova Nərminə Mais qızı vergi orqanına dəvət edilərək aşkar olunmuş nöqsanlar ona izah edilib. Müəssisənin rəhbəri nöpqsanları qəbul edib və aradan qaldıracağını bildirib. Daha sonra birgə eyniləşdirmə tədbiri yekunlaşdırılaraq malların gömrük nəzarətindən buraxılması təmin edilib.

"İdxal olunan malların üçüncü şəxslərə sənədsiz təhvil verilməsinə, saxlanılacağı təsərrüfat subyektlərinin düzgün göstərilməməsinə yol verilmir və bu kimi hallar qanunvericiliyin pozulmasına gətirir. “Kölgə iqtisadiyyatı”nın artmasına şərait yaradan belə halların qarşısının alınması istiqamətində aidiyyəti orqanların birgə fəaliyyəti bundan sonra da davam etdiriləcək", - deyə Dövlət Vergi Xidməti bəyan edib.

Oxşar xəbərlər
OTACI