Voleybolçularımız yenə də məğlub oldu

Kişi voleybolçulardan ibarət Azərbaycan milli komandası növbəti oyununu keçirib.

Press.az xəbər verir ki, Pərviz Səmədovun baş məşqçisi olduğu komanda Polşada beynəlxalq turnirdə ikinci matçına çıxıb.

İyulun 11-dək davam edəcək ənənəvi “Vaqner Memorial”ın II turunda millimiz ev sahibləri ilə görüşüb. Voleybolçularımız yenə 0:3 hesablı məğlubiyyətə üzülüblər.

İkinci oyun günündən sonra Polşa 6, Misir 5, Norveç 1 xala malikdir. Millimiz isə xalsızdır. 

Dairəvi sistemlə keçirilən turnirin son turunda yığmamız Norveçi sınağa çəkəcək. 

“Vaqner Memorial” turniri

II tur

10 iyul

Polşa - Azərbaycan - 3:0 (25:15, 25:12, 25:10)