İrəvanın elit rayonu yanır

İrəvanın elit rayonu sayılan Vaaqnidə güclü yanğın baş verib.

Press.az xəbər verir ki, bu barədə Ermənistan Fövqəladə Hallar Nazirliyi məlumat yayıb.

Restoranlar kompleksinin yanında yanğın baş verməsi ilə bağlı siqnal saat 20:58-də daxil olub. Hadisə yerinə iki yanğın-xilasedici bölməsi, eləcə də böhranların idarə olunması milli mərkəzinin operativ qrupu göndərilib. Amma yanğın güclü olduğu üçün yardıma əlavə qüvvələr göndərilib. Hazırda yanğın yerində 7 xilasetmə qrupu işləyir.

Məlumata görə, bir mağaza, eləcə də yaxınlıqda park edilmiş 4 avtomobil yanır.

Xəsarət alanlarla bağlı məlumat verilmir.