Azərbaycan peyvəndləməyə görə MDB ölkələri arasında lider olub

Azərbaycan koronavirusa qarşı peyvəndləməyə görə MDB ölkələri arasında lider mövqeyə çıxıb.

Press.az Trend-ə istinadən xəbər verir ki, bu barədə "Mir 24" telekanalı bildirir.

Qeyd olunur ki, bu günədək ölkədə əhalinin 18 faizi peyvəndlənib: "Vaksinin birinci dozasını 1,5 milyondan, hər iki dozanı 1 milyona yaxın azərbaycanlı qəbul edib. Ölkədə 4 vaksin - Rusiyanın "Sputnik V", Çinin "CoronaVac", Almaniya və ABŞ-ın "Pfizer", Böyük Britaniya və İsveçin "AstraZeneca" vaksinləri qeydiyyatdan keçib".