Hindistanda koronavirusa yoluxanların sayı 29 milyonu ötüb

Hindistanda son sutka ərzində COVID-19 infeksiyasına 91 227 yeni yoluxma faktı qeydə alınıb.

Press.az xəbər verir ki, bu barədə ölkənin Federal Səhiyyə Nazirliyi məlumat yayıb.

Bununla da Hindistanda virusa yoluxma hallarının sayı 29 088 176-ya çatıb.

Son 24 saatda ölkədə koronavirusdan 2 213 insan ölüb və ölənlərin sayı 353 557-yə çatıb.

COVID-19-a yoluxan 27,4 milyondan çox insan sağalıb.

Qeyd edək ki, Hindistan COVID-19 virusuna yoluxanların sayına görə dünyada ABŞ-dan sonra ikinci yerdə qərarlaşıb.