"Milan"ın yarımmüdafiəçisi Hakan Çalhanoğlunu transfer etmək istəyən klubların sırasına daha biri əlavə olunub.
Press.az "Football İtalia"ya istinadən xəbər verir ki, "Arsenal" türk yarımmüdafiəçi ilə maraqlanır.
Futbolçunun İtaliya təmsilçisi müqaviləsi iyunun 30-da başa çatacaq və bundan sonra azad agent olacaq. Tərəflər yeni müqavilə ilə bağlı razılığa gəlməyiblər.
Qeyd edək ki, Hakanı "Yuventus", "Barselona", "Liverpul" və "Çelsi" transfer etmək istəyir.