Qırğızıstan-Tacikistan sərhədində vəziyyət gərginləşdi

Qırğızıstan və Tacikistan sərhədində vəziyyət yenidən gərginləşib.

Bu barədə Qırğızıstan Dövlət Sərhəd Xidmətinin mətbuat mərkəzi məlumat yayıb.

Nazirliyin məlumatına görə, bu gün Tacikistan tərəfi Çon-Alay bölgəsinin (Oş vilayəti) Unju-Bulak ərazisində sərhədin müəyyən olunmamış hissəsində konteyner quraşdırmağa başlayıb.

Qırğızıstan sərhədçiləri deyiblər ki, Tacikistan vətəndaşları onların 1 kilometrə qədər ərazisinə giriblər.

“Tacikistan tərəfdən hərbi və yüngül zirehli nəqliyyat vasitələrində hərbi personal toplanıb”, - deyə nazirikdən bildirilib.

Sərhəddə vəziyyət gərgindir. Qırğızıstan ordusu döyüşə tam hazırlıq vəziyyətinə gətirilib.