Bakıda avtomobil piyadanı vurdu

Bakıda piyadanın xəsarət alması ilə nəticələnən yol-nəqliyyat hadisəsi baş verib.

Press.az-ın məlumatına görə, hadisə Binəqədi rayonunda qeydə alınıb.

Rəsulzadə qəsəbəsində avtomobil yolu keçən piyada, 1975-ci il təvəllüdlü Nəbiyev Həşim Nəbi oğlunu vurub. Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı H.Nəbiyevə sol baldırın açıq sınığı diaqnozu qoyulub.

Faktla bağlı araşdırma aparılır.