logo
First slide

Bakıda “Bazarstore”da güclü yanğın - Video + Yenilənib

03 Jun 2021 rating_stars rating_stars rating_stars rating_stars rating_stars

Axşam saatlarında Bakının Yasamal rayonu ərazisində yerləşən "Bazarstore" mağazalar şəbəkəsinin filialında güclü yanğın olub.

Press.az xəbər verir ki, bunu əks etdirən görüntülər sosial şəbəkələrdə paylaşılıb.

Hadisə yerinə FHN-in yanğınsöndürənlərinin cəlb olunduğu, yanğın nəticəsində xəsarət alanın olmadığı bildirilir.

Qeyd edək ki, sözügedən filial Yasamal Yaşayış Komleksinin ərazisində yerləşir.

***

Fövqəladə Hallar Nazirliyinin Bakının Yasamal rayonunda baş vermiş yanğınla bağlı məlumat yayıb.

Press.az xəbər verir ki, məlumatda deyilir:

"Bakı şəhəri, Yasamal rayonu, Xarici dairəvi yolu 8 ünvanında baş vermiş yanğınla bağlı nazirliyin 112 xidmətinə məlumat daxil olduqdan sonra FHN-in Dövlət Yanğından Mühafizə Xidmətinin yanğından mühafizə bölmələri yanğının baş verdiyi əraziyə cəlb olunub.

İlkin məlumata əsasən, marketə aid ümumi sahəsi 24 m² olan, dəmir konstruksiyalardan ibarət saxlanma yerində karton tullantıları və pəncərə çərçivəsi 8 m² sahədə yanıb. Yüksək temperaturdan kondisioner və generator qarsalanıb.

Yanğınsöndürənlərin çevik müdaxiləsi nəticəsində yanğın qısa müddət ərzində məhdudlaşdırılaraq saat 23:55-də tam söndürülüb. Market yanğından mühafizə olunub".

qafqazinfo

 

Oxşar xəbərlər
OTACI
OTACI