Hindistanda baş verən qasırğa nəticəsində bir gəmi batdı. İlk statistikaya görə 21 nəfər dünyasını dəyişdi. İtkin düşmüş 96 nəfər şəxs üçün isə axtarış-xilasetmə işləri hələ də davam edir.
Press.az bildirir ki, son həftələrdə koronavirus xəbərləri ilə gündəmə gələn Hindistanda daha bir faciə yaşandı. Ölkəni təsir altına alan qasırğa bir gəminin batmasına səbəb oldu. Qasırğa nəticəsində Bombay sahillərinə qədər gedib çıxan həmin gəmidə 273 nəfər var idi. Verilən ilk xəbərə görə 21 nəfər dünyasını dəyişib, 96 nəfər isə hələ də axtarılır.
Hindistan Müdafiə Nazirliyi, dövlətə məxsus bir neft şirkəti tərəfindən idarə olunan həmin gəmidən 177 nəfərin xilas edildiyini açıqlayıb.