Mbappe "Tokio-2020" üçün heyətdə

PSJ-nin futbolçusu Kilian Mbappe Fransanın bu yay Tokioda keçiriləcək Olimpiya Oyunları üçün ilkin iştirak ərizəsinə daxil edilib.

Press.az xəbər verir ki, bu barədə "L'Equipe" məlumat yayıb. İlkin heyətdə 85 idmançı var. Mbappe belə bir nüfuzlu turnirdə özünü sınamaq istəsə də, onun yekun siyahıda yer alması çətin görünür. Bunun əsas səbəbi 22 yaşlı hücumçunun "Avro-2020"də iştirak edəcəyidir. Belə ki, yarışların arasında cəmi 10 günlük fasilə var.

Qeyd edək ki, sözügedən heyətə məşhur futbolçular arasında Usman Dembele ("Barselona"), Eduardo Kamavinqi ("Renn"), Jul Kunde ("Sevilya"), Teo Ernandes ("Milan") də yer alıb.