Paşinyan bunu öz hakimiyyətinin ən böyük problemi adlandırdı

Ermənistanın baş nazir vəzifələrini icra edən Nikol Paşinyan İkinci Qarabağ müharibəsini öz hakimiyyətinin ən böyük problemi adlandırıb.

Press.az Unikal.org-a istinadən xəbər verirki, Paşinyan bu sözləri parlamentdə çıxışı zamanı deyib.

O, bildirib ki, hakimiyyətə gəldiyi müddətdə müharibə ilə bağlı geri dönmək artıq mümkün deyildi:

"Müharibədən sonra mən dəfələrlə 2018-ci ilin aprelinə qayıtmışam və bütün fəaliyyətimi düşünmüşəm. Mən öz fəaliyyətimi olduğu kimi təkrarlamazdım, amma həmin dövrdə Qarabağ münaqişəsi ilə bağlı "geri dönüş nöqtəsi" artıq keçilmişdi".