Baş məşqçidən maraqlı taktiki addım - FOTOLAR

Danimarka çempionatının 29-cu turunda "Brondbi" - "Midtülland" matçında maraqlı anlar yaşanıb.

Press.az xəbər verir ki, ev sahibi komandanın baş məşqçisi Nils Frederiksen oyun zamanı taktiki planı futbolçulara çatdırmaq üçün lövhədən istifadə edib.

Mütəxəssis lövhəyə taktiki göstərişlər - "hücuma davam edin" və s. yazaraq bu yolla komandasının çıxışına təsir etməyə çalışıb. Onun komandası isə 3:1 hesablı qələbə qazanıb.

Qeyd edək ki, Frederiksen 2019-cu ildən "Brondbi"də işləyir.