Rusiyada ova gedən nazir itkin DÜŞDÜ - FOTO

Rusiyanın Omsk əyalətinin səhiyyə naziri Aleksandr Muraxovski itkin düşüb.

Press.az xəbər verir ki, bu barədə “Kommerçeskie vesti” məlumat yayıb.

Bildirilir ki, nazir mayın 7-də ova gedib. 49 yaşlı Aleksandr Muraxovski həmin gün itkin düşüb. O, Bolşeukovsk rayonunun Pospelovo kəndində yerli vaxtla saat 16:00-da yola çıxıb və geri qayıtmayıb.

Muraxovskinin axtarışı ilə əvvəlcə tanışları, yaxınları məşğul olublar, mayın 8-dən axtarışlara polis əməkdaşları, qvardiya, ov müfəttişləri və yerli sakinlər qoşulublar. Axtarışlar ərazinin çətin relyefi və bataqlıq olması səbəbindən ağırlaşıb.