"Barselona"nın kapitanı Lionel Messini transfer etmək artıq PSJ-nin əsas hədəflərindən deyil.
Press.az xəbər verir ki, bu barədə "Diario Sport" məlumat yayıb. Paytaxt klubunun məqsədi futbolçusu Kilian Mbappe ilə müqaviləni uzatmaqdır. Bu da o deməkdir ki, Paris təmsilçisi 33 yaşlı hücumçunu almağa səy göstərməyəcək. Mbappenin hazırkı sözləşməsi 2022-ci ilin yayına qədərdir.
Qeyd edək ki, Messinin Kataloniya klubu ilə müqaviləsi bu yay başa çatacaq. Tərəflər yeni sözləşmə üçün danışıqlar aparmayıblar.