PSJ-dən "Barselona"ya "yox" cavabı

"Barselona" Neymarın transferi üçün PSJ-yə təklif göndərib.

Press.az "RAC1"ə istinadən xəbər verir ki, ancaq Paris təmsilçisinin qarşı tərəfə ilk cavabı mənfi olub.

Qeyd olunub ki, Kataloniya klubunda əsas prioritet braziliyalı hücumçunu komandaya qaytarmaqdır. Ancaq o, "Barselona" qayıtmaq ehtimalına şübhə ilə yanaşır. 29 yaşlı oyunçu bundan əvvəl PSJ ilə yeni müqavilə məsələsinin praktik olaraq həll olunduğunu bildirib.

Xatırladaq ki, Neymar 2017-ci ilin yayında 222 milyon avroya "Barselona"dan PSJ-yə transfer olunub.