Zəngilan hava limanının tikintisi başlayıb - AZAL rəsmisi

Azərbaycan Prezidenti İlham Əliyevin bir neçə gün əvvəl təməlini qoyduğu Zəngilan hava limanının tikintisinə start verilib. Hazırda ərazidə tikinti işləri ilə yanaşı minalardan təmizləmə prosesi də paralel aparılır.

Bunu Trend-in Qarabağ bürosuna AZAL rəsmisi Valeh Əmiraslanov bildirib.

O, əlavə edib ki, hazırda aeraportun uçuş-enmə zolağında qazma və torpaq yatağının çıxarılması işləri gedir:

“Füzulidə olduğu kimi Zəngilanda da işlər sürətlə davam edir. Azad edilmiş torpaqlarımızda tikinti-quruculuq işləri aparmaq hər birimiz üçün böyük qürur hissidir. Tikinti prosesini vaxtında başa çatdırmaq üçün var gücümüzlə çalışırıq”