Press.az xəbər saytı 07.06.2023-cü il tarixindən müvəqqəti olaraq fəaliyyətini dayandırmışdır.
First slide

Oğlu Azad Rəhimovun vəfatından yazdı

01 May 2021 rating_stars rating_stars rating_stars rating_stars rating_stars

Ötən gün dünyasını dəyişən Gənclər və idman naziri Azad Rəhimovun oğlu, Bakı Şəhər Halqasının icraçı direktoru Arif Rəhimov “Facebook” hesabında atasının vəfatı ilə bağlı status paylaşıb.

Press.az xəbər verir ki, o, paylaşımında Azad Rəhimovun dünən Bakı vaxtı ilə saat 22:45-də ağciyər xərçəngindən müalicə aldığı Amerika Birləşmiş Ştatlarında dünyasını dəyişdiyini bildirib.

“Atam Azad Rəhimov uzun müddətdir ki, ağır xəstəlikdən əziyyət çəksə də, həyatının son anına qədər Vətənini, dövlətini düşünürdü. Atam çox xoşbəxt idi ki, sağlığında Ali Baş Komandanın rəhbərliyi ilə Azərbaycan Ordusunun Qarabağı azad etməsinin şahidi oldu”, - deyə Arif Rəhimov bildirib.

O, qeyd edib ki, Azad Rəhimov yaxşı övlad, yaxşı ata, yaxşı dost olmaqla bərabər dövlətini sevən vətəndaş idi:
“Atam babası Sadıq Rəhimovdan miras qalan dövlətçilik ənənələrini yaşadaraq hər zaman Vətəni üçün çalışırdı. Azad Rəhimov tək nazir deyil, ictimai xadim idi”.

“Biz bilirik ki, bir çox insan onunla sağollaşmaq istəyir, ancaq pandemiya səbəbindən anlayış göstərərək dəfn mərasiminə gəlməməyinizi xahiş edirik.

Ailəmiz üçün bu çətin anda bizə dəstək olan cənab Prezidentə, hörmətli vitse-prezidentə və ictimaiyyətə təşəkkür edirik.

Allah rəhmət eləsin!” - A.Rəhimov paylaşımında yazıb.

Oxşar xəbərlər
OTACI