Fernandeş 1-ci oldu

UEFA Avropa Liqasında bu həftənin ən yaxşı futbolçusu müəyyənləşib.

Press.az xəbər verir ki, UEFA-nın saytında azarkeşlər arasında keçirilən səsvermənin yekun nəticəsinə əsasən, "Mançester Yunayted"in yarımmüdafiəçisi Bruno Fernandeş birinci olub. O, səsvermədə komanda yoldaşı Edinson Kavani, Raul Albiol ("Vilyarreal"), Nikolya Pepeni ("Arsenal") qabaqlayıb.

Qeyd edək ki, Fernandeş yarımfinalda "Roma"ya 6:2 hesabı ilə qalib gəldikləri matçda 2 qol vurub, eyni sayda qolun ötürməsini verib.