ÇL-in finalı İstanbuldan alınacaq? - Açıqlama

Türkiyə Futbol Federasiyası Çempionlar Liqasının finalının İstanbuldan alınacağı ilə bağlı yayılan xəbərlərə münasibət bildirib.

Press.az xəbər verir ki, qurumun birinci vitse-prezidenti Servet Yardımcı "NTV Spor"a açıqlamasında bu iddiaların doğru olmadığını deyib. O, finalın planlaşdırıldığı kimi mayın 29-u Atatürk Olimpiya Stadionunda keçiriləcəyini vurğulayıb: 

"Finalı ən yaxşı və güvənli şəkildə reallaşdıracağıq. UEFA ilə mütəmadi olaraq təmasdayıq. Hazırlıqlarımızı tamamlamışıq. Çempionlar Liqasının finalının fərqli ölkə və ya şəhərdə keçirilməsi məsələsi gündəmdə deyil. Xarici mətbuatda çıxan bu xəbərlər yanlışdır".