Şəmkirin həbs edilən icra başçısının Maral təsərrüfatı aşkarlandı - VİDEO

Şəmkir rayon İcra Hakimiyyətinin həbs edilən sabiq icra başçısı Alimpaşa Məmmədovun maral ferması aşkarlanıb.

Press.az-ın məlumatına görə, həbs edilən icra baqşçısı Şəmkir rayonunda hektarlarla ərazini zəbt edərək orada şəxsi maral təsərrüfatı yaradıb.

Məlumata görə, əvvəllər təsərrüfatdakı maralların sayı çox olsa da, hazırda bu fermada olan maralların sayı 30-dan çoxdur. Əvvəllər Şəmkirin Kür qəsəbəsində Camış ferması kimi tanınan ərazi A. Məmmədov icra başçısı gələndən sonra zəbt edilib. Həmin fermada icra başçısı maral təsərrüfatı yaradıb. Ərazidə marallar üçün müxtəlif uzunluqda iki tövlə də tikilib.