"Azərsu” ASC daxili imkanları hesabına Biləsuvar rayonunun Xırmandalı kəndinin bir hissəsinin içməli su təchizatının yaxşılaşdırılması məqsədilə yeni layihənin icrasına başlayıb.
Bu barədə Press.az-a qurumdan bildirilib.
Məlumata görə, rayonun ən böyük yaşayış məntəqələrindən olan Xırmandalı kəndi uzun illər içməli su çatışmazlığından əziyyət çəkib. Kəndin 10 minədək sakini içməli suya olan tələbatlarını daşıma yolu ilə və ya arx suyunu duruldub istifadə etməklə ödəyib.
Şirvan-Muğan qrup su kəmərindən Biləsuvar şəhərinə magistral su kəmərinin çəkilməsi bir sıra kəndlərin o cümlədən Biləsuvar rayonunun Xırmandalı kəndinin su təchizatı üçün imkanlar yaradıb. “Əhalinin içməli su ilə təminatının yaxşılaşdırılmasına dair əlavə tədbirlər haqqında” Azərbaycan Respublikası Prezidentinin Sərəncamına uyğun olaraq 2017-ci ildə Xırmandalı kəndinin müəyyən bir hissəsini əhatə edən içməli su layihəsi həyata keçirilib. Həmin layihə çərçivəsində kənddə 9,5 km su xətti çəkilib, əhalinin ümumi istifadəsi üçün 52 ədəd bulaq quraşdırılıb. Bu layihə Xırmandalı kəndinin bir hissəsini əhatə edib və layihədən 4 minə qədər sakin faydalanıb.
Kəndin digər hissəsinin içməli su təchizatının yaxşılaşdırılması məqəsdilə “Azərsu” layihə hazırlayıb. Layihə çərçivəsində kənddə 13 km uzunluğunda müxtəlif diametrli borularla su xətlərinin çəkilməsi nəzərdə tutulur. Yeni şəbəkənin əhatə etdiyi ərazidə əhalinin ümumi istifadəsi üçün 120 ədəd bulaq quraşdırılacaq.
Tikinti-quraşdırma işlərinin iyun ayında başa çatdırılması nəzərdə tutulur. Bununla da kəndin daha 6 min sakini keyfiyyətli içməli su ilə təmin olunacaq.
“Azərsu” hazırda Biləsuvar rayonu ilə yanaşı, Hacıqabul, Saatlı, Tovuz, Abşeron rayonlarının kənd və qəsəbələrində, həmçinin Bakının Binəqədi, Səbail, Sabunçu, Suraxanı, Xəzər rayonlarında içməli su təchizatının yaxşılaşdırılması layihələri həyata keçirir.
07 Jun 2023
07 Jun 2023
07 Jun 2023
07 Jun 2023
07 Jun 2023
