Özildən 100 min avroluq yardım

“Fənərbaxça”nın futbolçusu Məsut Özil növbəti dəfə xeyirxah addım atıb.

Press.az “NTV Spor”a istinadən xəbər verir ki, 32 yaşlı yarımmüdafiəçi Ramazan ayı münasibəti ilə “Qızıl Aypara Cəmiyyəti”nə 100 min avro məbləğində köçürmə edib. Oyunçunun yardımından 128 min insan faydalanacaq. Bu dəstək sayəsində Türkiyədə 2800, İndoneziyada 1000, Banqladeşdəki  750 qaçqın düşərgəsində Ramazan yeməyi paylanacaq.   Həmçinin İdlibdəki yetimxanalarda və Somalidə 30 gün iftar süfrəsi hazırlanacaq. 

Qeyd edək ki, Özil ötən illərdə də böyük məbləğdə yardımlar edib.