Münhen azarkeşlərlə bağlı təminat verə bilmir - Avro-2020

Almaniyanın Münhen şəhəri Avro-2020-nin oyunlarında azarkeşlərlə bağlı təminat verə bilmir.

Press.az "Bild"ə istinadən xəbər verir ki, bunu şəhərin meri Diter Rayter açıqlayıb.

O, azarkeşlərin stadiona buraxılmasına hazır olmadıqlarını deyib: “Təəssüf ki, hazırda Bavariyada olan koronavirusla bağlı qaydaları və yoluxmanın yayılma göstəricilərinə əsasən oyunların azarkeşsiz keçiriləcəyini istisna etmək mümkün deyil”.

Xatırladaq ki, hələlik 8 şəhər - Bakı, Amsterdam, Budapeşt, Buxarest, Qlazqo, Kopenhagen, London və Sankt-Peterburq şəhərləri azakeşlərlə bağlı təminat verib.