Kakanın uğurunu yenilədi

A seriyasının 30-cu turunda “Parma” ilə matç “Milan”ın futbolçusu Frank Kesse üçün əlamətdar olub.

Press.az xəbər verir ki, 24 yaşlı yarımmmüdafiəçi görüşdə fərqlənməklə bu mövsüm vurduğu qolların sayını 10-a çatdırıb. Beləliklə, o, komandadakı ilk 30 matçında ən azı 10 qol vurmağı bacaran Kakanın (2008/09 mövsümü) uğurunu yeniləyib. Oyunçunun bu mövsüm aktivində bütün turnirlərdə imza atdığı 11 qol və 5 qol ötürməsi var.

Qeyd edək ki, Kessenin “Milan”la müqaviləsi 2022-ci ilin yayına qədərdir.