Çempionlar Liqasının 1/4 finalında "Liverpul"la keçirilən matç (3:1) "Real"ın futbolçusu Luka Modriç üçün əlamətdar olub.
Press.az xəbər verir ki, xorvatiyalı oyunçu sözügedən matçda 1 qolun ötürməsini verib. Bununla da 35 yaş 209 günlüyündə olan yarımmüdafiəçi turnirin ardıcıl 3 pley-off görüşündə qol ötürməsi verməyi bacarıb. Beləliklə o, son 10 ildə bunu edə bilən ən yaşlı oyunçu olub.
10 il əvvəl isə - 2011-ci ildə belə nəticəni Rayan Giqqz 37 yaşında göstərmişdi.
Qeyd edək ki, Modriç bu mövsüm bütün turnirlərdə 38 matça çıxaraq, 4 qol vurub və 6 qolun ötürməsini verib.