Roys Levandovskinin rekordunu qırdı

"Borussiya"nın (Dortmund) futbolçusu Marko Roys klub rekorduna imza atıb.

Press.az xəbər verir ki, 31 yaşlı hücumçu buna ötən gecə Çempionlar Liqasının 1/4 finalında "Mançester Siti" ilə matçda (1:2) nail olub. O, görüşdə fərqlənməklə turnirdə vurduğu qolların sayını 18-ə çatdırıb.

Bununla da almaniyalı oyunçu "Borussiya"nın Çempionlar Liqasında ən çox qol vuran futbolçusu adını qazanıb. Əvvəlki rekord isə komandanın sabiq futbolçusu, hazırda "Bavariya"da çıxış edən Robert Levandovskiyə məxsus idi (17 qol).

Qeyd edək ki, Roys bu mövsüm bütün turnirlərdə 39 matçda 5 qol vurub və 11 qolun ötürməsini verib.