"Real"ın futbolçusu Rafael Varan Çempionlar Liqasının 1/4 finalında "Liverpul"la ilk oyunu buraxacaq.
Press.az klubun saytına istinadən xəbər verir ki, buna səbəb fransalı müdafiəçinin koronavirusa yoluxmasıdır. Madrid təmsilçisi 27 yaşlı oyunçunun testinin müsbət çıxdığını açıqlayıb.
Bununla da, zədəli olan Serxio Ramosdan sonra daha bir müdafiəçi Mersisayd klubuna qarşı oynamayacaq. "Real"da "Liverpul"la matçda Naço və Militao ikilisinin oynayacağı gözlənilir.
Qeyd edək ki, bu gün keçiriləcək sözügedən görüş Bakı vaxtı ilə saat 23:00-ada başlayacaq.