Çalhanoğlu "Yuventus"da?

"Milan"ın futbolçusu Hakan Çalhanoğlu yayda klubdan ayrıla bilər.

Press.az "Sky Sports İtalia"ya istinadən xəbər verir ki, 26 yaşlı yarımmüdafiəçini "Yuventus" heyətinə qatmaq istəyir. Turin təmsilçisi bu transferi reallaşdırmaq üçün israrlıdır.

"Milan" isə Hakanla müqaviləni yeniləmək üçün razılaşa bilmir. Klub türkiyəli oyunçuya illik 4 milyon avro maaş təklif edir. Futbolçunun tələbi isə 5 milyon avrodur. Çalhanoğlu ilə "Yuventus"la yanaşı Premyer Liqa klublarından "Çelsi" və "Arsenal" da maraqlanır.

Qeyd edək ki, H.Çalhanoğlu bu mövsüm bütün turnirlərdə 34 matçda 7 qol vurub və 11 qolun ötürməsini verib.