İspaniya kubokunda 2019/20 mövsümünün final oyunu keçirilib.
Press.az xəbər verir ki, həlledici oyunda “Atletik”lə “Real Sosyedad” üz-üzə gəlib. Görüş "Real Sosyedad"ın qələbəsi ilə yekunlaşıb - 1:0. Yeganə qolu 63-cü dəqiqədə penaltidən Mikel Oyarsabal vurub.
Bununla da, “Real Sosyedad” tarixində üçüncü dəfə İspaniya kubokunu qazanıb.
Qeyd edək ki, ötən mövsümün final qarşılaşması 2020-ci ilin aprelində keçirilməli idi. Lakin koronavirus pandemiyasına görə görüş təxirə salınmışdı.