Türkiyə millisinin və "Lill"in futbolçusu Yusuf Yazıcı koronavirusa yoluxub.
Press.az klubun saytına istinadən xəbər verir ki, 24 yaşlı yarımmüdafiəçinin koronavirus testi müsbət çıxıb. Onun karantinə alındığı bildirilib.
Bununla da, Türkiyə millisində koronavirusa yoluxanların sayı 14-ə yüksəlib.
Qeyd edək ki, Y.Yazıcıda yanvarda da koronavirus aşkarlanmışdı.
Xatırladaq ki, bundan əvvəl Türkiyə millisində İrfan Can Kahveci, Nazım Sangare, Merih Demiral, Zeki Çelik, Emre Kılınç, Cenk Tosun, Kaan Ayhan, Kenan Karaman,Dorukhan Toköz, Taylan Antalyalı və məşqçi heyətinin 3 üzvünün koronavirusa yoluxduğu açıqlanıb.