Honda əsas hədəflərindən danışdı

"Neftçi"nin futbolçusu Keysuke Honda Kamboca mətbuatına müsahibə verib.

Press.az xəbər verir ki, sözügedən ölkənin milli komandasında baş menecer kimi çalışan 35 yaşlı yarımmüdafiəçi yığmadakı hədəflərindən danışıb. O, əsas məqsəd kimi qarşılarına Cənub Şərqi Asiya Oyunlarının ("SEA Games") qalibi olmağı qoyduqlarını deyib:

"Komboca milli komandası güclüdür. Burada potensialı olan gənc oyunçular çoxdur. Əsas məqsədimiz isə "SEA Games"in qalibi olmaqdır. Biz bütün rəqiblərimizi məğlub edərək, çempion olacağıq".

Qeyd edək ki, Honda "Neftçi" ilə cari mövsümün sonunadək müqavilə imzalayıb. Həmçinin o, Komboca millisi ilə 3 illik yeni sözləşmə bağlayıb.