Azərbaycanlı FİFA referisi Əliyar Ağayev növbəti dəfə Yunanıstan Superliqasının vacib oyununa təyinat alıb.
Press.az Yunanıstan mətbuatına istinadən xəbər verir ki, o, çempionluq qrupunun 2-ci turu çərçivəsində aprelin 4-də keçiriləcək “Panatinaikos” – PAOK oyununu idarə edəcək. Zeynal Zeynalov və Akif Əmirəli isə Əliyar Ağayevin köməkçiləri olacaq.
Xatırladaq ki, bu hakimlərimiz ötən mövsüm, fevralın 2-də keçirilən "Panatinaikos" - PAOK matçını da idarə ediblər. Bundan başqa, Ağayevin rəhbərlik etdiyi hakimlər briqadası 2019-cu ilin mart ayında Superliqada PAOK - "Atromitos" matçına da təyinat almışdı.