“Bu il Azərbaycanda əlilliyi olan şəxslər üçün iki reabilitasiya müəssisəsi istifadəyə veriləcək”.
Press.Az-ın məlumatına görə, bunu Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Cavid Əbdül-Qədirov deyib.
Onun sözlərinə görə, reabilitasiya mərkəzlərində infrastruktur beynəlxalq standartlara uyğundur:
“Bu il Qəbələdə olan reabilitasiya mərkəzi və Şəmkirdə uşaq reabilitasiya müəssisəsi istifadəyə veriləcək. Bu infrastrukturlarla əlilliyi olan 28 min şəxsə xidmət edə biləcəyik”.