Azərbaycan səfirliyi Qətər Milli Kitabxanasına (QNL) ingilis və ərəb dillərində olan 70 adda kitab bağışlayıb. Kitablar ictimaiyyətin Azərbaycanın zəngin tarixi və mədəniyyəti haqqında bilgilərinin dərinləşdirilməsi məqsədi ilə verilib.
Press.az xəbər verir ki, bu barədə “The Gulf Times” yazıb.
Azərbaycanın Qətərdəki səfiri Rəşad İsmayılovu dövlət naziri və Qətər Milli Kitabxanasının prezidenti Həməd bin Əbdüləziz əl-Kəvari, eləcə də kitabxananın tədqiqat və təlim xidmətinin direktoru Əbir əl-Kuvari qarşılayıb.
“Biz Qətərlə hər sahədə ikitərəfli əlaqələrin genişləndirilməsinə və gücləndirilməsinə böyük əhəmiyyət veririk. Mədəniyyət tədbirlərinin xalqlar arasında əlaqələrin möhkəmlənməsində müstəsna roluna inandığımızdan bugünkü tədbir məhz bu hədəfə çatmağa istiqamətlənib. Qətər Milli Kitabxanası ilə bu əməkdaşlıqdan məmnunuq. İnanırıq ki, bu mənbələr kitabxana oxucularına və qonaqlarına Azərbaycanın mədəniyyəti və tarixi haqqında daha çox məlumat əldə etmək üçün daha geniş fürsət verəcək”, - səfir bildirib.
07 Jun 2023
05 Jun 2023
