Kişilər, yaşlılar və siqaret çəkənlər koronavirusa niyə daha çox yoluxur? - ARAŞDIRMA

Kişilər, yaşlılar və siqaret çəkənlərin koronavirus infeksiyasına daha həssas olmasının səbəbləri araşdırılıb.

Press.az xəbər verir ki, bu qənaətə Tərcümə Genomikası Tədqiqat İnstitutunun elm adamları gəlib.

Təkhüceyrəli RNT genetik ardıcıllığı məlumatları və İnsan Hüceyrəsi Atlası (sağlamlıq və xəstəliklərin hüceyrə əsaslarını təsvir edən və təyin edən hərtərəfli istinad xəritələri) tədqiqatçılara COVID-19 olmayan 228 sağlam insanın tənəffüs yolu və ağciyərində SARS-CoV-2 virusunun 1,3 milyondan çox burun toxuma nümunələrində hüceyrələrə təsirini təhlil etməyə imkan verib. Məlum olub ki, yaş, siqaret və cinsiyyət SARS-CoV-2-nin hüceyrələrə daxil olub çoxalma qabiliyyətində mühüm rol oynayır.

Kişilərdə, yaşlılarda və siqaret çəkənlərdə ACE2 fermenti daha çox özünü göstərir, yəni koronavirusun bu hüceyrələrə girməsi və onlara yoluxması daha asandır. Kişilər və yaşlı insanlarda virusun səthindəki sünbülvari zülalları kəsən və insan hüceyrələrinə girməsinə imkan verən TMPRSS2 daşıyır. Tədqiqatçılar TMPRSS2-dən başqa, virusun orqanizmə yoluxmasına imkan verən əlavə fermentlər də tapıb.

Yeni tədqiqatın nəticələri "Nature Medicine" jurnalında dərc olunub. (publika.az)