Azərbaycanda koronavirusa yoluxanların sayı 400-ü keçdi

Azərbaycanda son gün ərzində 403 nəfərin koronavirusa yoluxması qeydə alınıb, 127 nəfər müalicə olunaraq sağalıb.

Press.az xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd edilir ki, koronavirus üçün götürülən analiz nümunələri müsbət çıxmış 3 nəfər vəfat edib.

Ölkədə indiyədək ümumilikdə 236 768 nəfər koronavirusa yoluxub. Onlardan 229 718 nəfər müalicə olunaraq sağalıb, 3 241 nəfər vəfat edib, aktiv xəstə sayı 3 809 nəfərdir.

Son sutka ərzində 8 169, hazırkı dövrədək isə 2 653 375 test aparılıb.