Bakı-Quba yolunda baş verən ağır yol qəzasından - FOTOLAR

Ötən gün səhər saatlarında Bakı-Quba yolunda ağır yol qəzası baş verib.

Press.az-ın məlumatına görə hadisə Xızı rayonu, Sitalçay kəndi ərazisində qeydə alınıb. "İveco" markalı yük avtomobili və "Беларус" markalı traktorun toqquşması nəticəsində iki nəfər dünyasını dəyişib.

Hadisə yerinə cəlb olunan Fövqəladə Hallar Nazirliyinin Sumqayıt Regional Mərkəzinin xilasediciləri müxtəlif xəsarətlər alaraq sıxılı vəziyyətdə qalan 1 nəfəri yük avtomobilindən, 1 nəfərin meyitini isə deformasiyaya uğrayan digər nəqliyyat vasitəsindən çıxararaq aidiyyəti üzrə təhvil veriblər.